ធម្មលដ្ឋិកា
«ធម្មលដ្ឋិកា» ដែលមានន័យថា «ឈើច្រត់ធម៌» ស្ថិតនៅភ្នំទ្រុងមាន់ ក្នុងឃុំក្រពើជើង ស្រុកភ្នំសំពៅ ខេត្តបាត់ដំបង នាភាគពាយព្យនៃប្រទេសកម្ពុជា។ មជ្ឈមណ្ឌលនេះស្ថិតក្នុងតំបន់ជនបទមួយ មានចម្ងាយប្រមាណ ១៨គម ពីក្រុងបាត់ដំបង តាមផ្លូវជាតិលេខ ៥៧ ហើយគ្របដណ្ដប់លើផ្ទៃដីប្រមាណ ៣,៩ ហិចតា ព័ទ្ធជុំវិញភ្នំទ្រុងមាន់។ ចាប់តាំងពីខែមករា ឆ្នាំ ២០០៤ មក វិបស្សនាបានរីកសាយជាថ្មីម្ដងទៀតនៅក្នុងប្រទេសកម្ពុជា ដោយមជ្ឈមណ្ឌលបានបើកវគ្គសិក្សាសម្រាប់សិស្សជាតិខ្មែរ និង បរទេស ទាំងព្រះសង្ឃ ទាំងគ្រហស្ថ។
ធម្មសាលនៃមជ្ឈមណ្ឌលអាចទទួលសិស្សបានលើសពី ១៨០ នាក់ ហើយមជ្ឈមណ្ឌលអាចទទួលសិស្សឲ្យស្នាក់អាស្រ័យបានចំនួន ១៥២ រូប (ព្រះសង្ឃ ១៤ អង្គ, សិស្សប្រុស ៤២ នាក់ និង សិស្សស្រី ៩៤ នាក់)។ ក្នុងពេលបច្ចុប្បន្ន ជារៀងរាល់ឆ្នាំ មជ្ឈមណ្ឌលបើកវគ្គសិក្សា ១០ថ្ងៃ, សតិបដ្ឋាន, ២០ថ្ងៃ, ៣០ថ្ងៃ, ៣ថ្ងៃ និង វគ្គកុមារ។ វគ្គទាំងអស់នេះត្រូវបានដឹកនាំដោយគ្រូជំនួយជាជនជាតិខ្មែរ មានភេទជាព្រះសង្ឃ និង គ្រហស្ថ នៅក្នុងប្រទេស និង មកពីអឺរ៉ុប និង សហរដ្ឋអាមេរិក ព្រមទាំងពេលខ្លះមានគ្រូជាតិបរទេសផងដែរ។
ព័ត៌មានបន្ថែម
ធម្មលដ្ឋិកា
អាសយដ្ឋាន៖ ភ្នំទ្រុងមាន់, ផ្លូវជាតិលេខ ៥៧, បាត់ដំបង, កម្ពុជា
ទូរសព្ទ៖ ០៩២ ៩៣១ ៦៤៧
អ៊ីមែល៖ [email protected]
វិបសៃ៖ www.latthika.dhamma.org
ការិយាល័យកណ្ដាលនៅភ្នំពេញនៃអង្គការវិបស្សនាកម្ពុជា (អ.វ.ក) (សម្រាប់ថ្ងៃអាទិត្យប៉ុណ្ណោះ)
អាសយដ្ឋាន៖ ផ្ទះលេខ ៧០, ផ្លូវលេខ ១៣, បុរីពិភពថ្មីចំការដូង, សង្កាត់ដង្កោ, ខណ្ឌដង្កោ, រាជធានីភ្នំពេញ, ព្រះរាជាណាចក្រកម្ពុជា
លេខទូរសព្ទទំនាក់ទំនង៖ ០៩២ ៨០៣ ៤០៦
អ៊ីមែល៖ [email protected]
វិបសៃ៖ www.kh.dhamma.org
Filters
វគ្គសិក្សា 10 ថ្ងៃ & វគ្គសិក្សាសម្រាប់មនុស្សពេញវ័យផ្សេងទៀត
27 courses
-តេលេក្រាមនេះ សម្រាប់ការចុះឈ្មោះវគ្គវែង ៖
-សម្រាប់តែអ្នកនិយាយភាសាខ្មែរប៉ុណ្ណោះ
Course types
វគ្គសិក្សាទាំងអស់ត្រូវបានដំណើរការឡើងដោយផ្អែកលើការបរិច្ចាគទាន។ ចំណាយទាំងអស់ត្រូវបានបំពេញដោយការបរិច្ចាគទានពីអ្នកដែលបានបញ្ចប់វគ្គសិក្សា និង បានទទួលប្រយោជន៍ពីវិបស្សនា ហើយមានបំណងចង់ឲ្យអ្នកដទៃទទួលប្រយោជន៍ដូចពួកគេដែរ។ ទាំងគ្រូ និង គ្រូជំនួយមិនបានទទួលលាភការអ្វីឡើយ; ពួកគេ និង អ្នកដែលបម្រើក្នុងវគ្គសិក្សាគឺស្ម័គ្រចិត្តចំណាយពេលរបស់ពួកគេ។ ដូច្នេះវិបស្សនាគឺផ្តល់ជូនដោយឥតគិតថ្លៃ ពោលគឺគ្មានការធ្វើជំនួញអ្វីទាំងអស់។
សិស្សចាស់ គឺជាអ្នកដែលបានបញ្ចប់វគ្គសិក្សាវិបស្សនាកម្មដ្ឋាន 10 ថ្ងៃ ជាមួយលោក ស.ន. ហ្គោឥនកា ឬ គ្រូជំនួយរបស់លោក។ សិស្សចាស់មានឱកាសដើម្បីផ្តល់ការបម្រើធម៌នៅក្នុងវគ្គសិក្សាដែលបានរាយខាងលើ។
ទិវាពលកម្ម
ទិវាពលកម្ម ត្រូវបានរៀបចំឡើងក្នុងគោលបំណងដើម្បីចូលរួមធ្វើកិច្ចការថែទាំមជ្ឈមណ្ឌល, ការសាងសង់, គម្រោងទីស្នាក់អាស្រ័យ និង សួនច្បារ ជាដើម។ សិស្សចាស់ ទាំងអស់ត្រូវបានស្វាគមន៍ឲ្យចូលរួម។ កម្មវិធីប្រចាំថ្ងៃនឹងរួមបញ្ចូលការអង្គុយជាក្រុម 3 ដង ជាមួយនឹងថិរវេលាធ្វើការនាពេលព្រឹក និង ពេលរសៀល។ នាពេលព្រលប់ខ្លះ នឹងមានចាក់ខ្សែអាត់អំពីធម្មទេសនាពិសេស និង សន្ទរកថាដែលលោក ស.ន. ហ្គោឥនកា បានថ្លែងចំពោះសិស្សចាស់។
វគ្គសិក្សា 3 ថ្ងៃ
វគ្គសិក្សា 10 ថ្ងៃ
វគ្គសិក្សា 10 ថ្ងៃ គឺជាវគ្គសិក្សាមូលដ្ឋានដំបូងនៃវិបស្សនាកម្មដ្ឋាន ដែលក្នុងអំឡុងពេលនេះ បច្ចេកទេសវិបស្សនាត្រូវបានបង្រៀនមួយជំហានម្តងៗ ជារៀងរាល់ថ្ងៃ។ វគ្គសិក្សានេះចាប់ផ្តើមបន្ទាប់ពីអំឡុងពេលចុះឈ្មោះនៅម៉ោង 2-4 រសៀល និង ការណែនាំអំពីវគ្គសិក្សា បន្ទាប់មកជាការចម្រើនកម្មដ្ឋាន 10 ថ្ងៃពេញ ហើយចប់នៅព្រឹកថ្ងៃទី 11 វេលាម៉ោង 7 និង 30 នាទីព្រឹក។
វគ្គសិក្សា 30 ថ្ងៃ
វគ្គសិក្សា 30 ថ្ងៃ បើកតែចំពោះសិស្សចាស់ដែលមធ្យ័ត និង តាំងស៊ុបក្នុងបច្ចេកទេសនេះ ហើយបានបញ្ចប់វគ្គសិក្សា 10 ថ្ងៃ យ៉ាងតិច 6 ដង (1 ដង បន្ទាប់ពីចូលរួមវគ្គសិក្សា 20 ថ្ងៃ លើកទីមួយរបស់ពួកគេ), វគ្គសិក្សា 20 ថ្ងៃ 1 ដង, វគ្គសិក្សាសតិបដ្ឋាន 1 ដង និង បានបដិបត្តិយ៉ាងទៀងទាត់ក្នុងរយៈពេលយ៉ាងតិច 2 ឆ្នាំ ប៉ុណ្ណោះ។
វគ្គសិក្សា 45 ថ្ងៃ
វគ្គសិក្សា 45 ថ្ងៃ បើកតែចំពោះបុគ្គលដែលបានចូលរួមបម្រើធម៌ និង គ្រូជំនួយ ដែលបានបញ្ចប់វគ្គសិក្សា 10 ថ្ងៃ យ៉ាងតិច 7 ដង (1 ដង បន្ទាប់ពីចូលរួមវគ្គសិក្សា 30 ថ្ងៃ លើកទីមួយរបស់ពួកគេ), វគ្គសិក្សា 30 ថ្ងៃ 2 ដង, វគ្គសិក្សាសតិបដ្ឋាន 1 ដង និង បានបដិបត្តិយ៉ាងទៀងទាត់ក្នុងរយៈពេលយ៉ាងតិច 3 ឆ្នាំ ប៉ុណ្ណោះ។
វគ្គសិក្សាសតិបដ្ឋាន
វគ្គសិក្សាសតិបដ្ឋាន មានកាលវិភាគ និង វិន័យដូចគ្នានឹងវគ្គសិក្សា 10 ថ្ងៃដែរ។ ចំណុចខុសគ្នាត្រង់ខ្សែអាត់ដែលចាក់នៅពេលព្រលប់ គឺជាធម្មទេសនាដែលបានពន្យល់អំពីសតិបដ្ឋានសូត្រយ៉ាងក្បោះក្បាយ។ ធម្មទេសនានេះគឺជាអត្ថបទគោលដែលពន្យល់យ៉ាងលម្អិតអំពីបច្ចេកទេសវិបស្សនា។ វគ្គសិក្សាទាំងនេះបើកចំពោះសិស្សចាស់ដែលមធ្យ័ត និង បានបញ្ចប់វគ្គសិក្សា 10 ថ្ងៃ យ៉ាងតិច 3 ដង (មិនរួមបញ្ចូលវគ្គសិក្សាដែលបានបម្រើ), មិនធ្លាប់បានបដិបត្តិបច្ចេកទេសកម្មដ្ឋានផ្សេងទៀត ចាប់តាំងពីវគ្គសិក្សា 10 ថ្ងៃ ចុងក្រោយ, បានបដិបត្តិបច្ចេកទេសវិបស្សនានេះយ៉ាងតិចមួយឆ្នាំ និង ជាអ្នកព្យាយាមរក្សាការចម្រើនកម្មដ្ឋាន និង សិក្ខាបទប្រាំនៅក្នុងជីវភាពប្រចាំថ្ងៃរបស់ពួកគេ យ៉ាងតិចបំផុត ចាប់តាំងពីពេលដែលស្នើសុំចូលរួមវគ្គសិក្សានេះ។
វគ្គសិក្សាក្មេងជំទង់ និង កុមារ
1 courses
-វគ្គសិក្សាក្មេងជំទង់ អាយុពី១៣ឆ្នាំ ដល់ ១៧ឆ្នាំ
-វគ្គសិក្សាក្មេងជំទង់
សូមចុះឈ្មោះតាមតេឡេក្រាមនេះ@Dhamma_children_teenagers_bot
-សូមចុះឈ្មោះតាមរយៈ link នេះ: https://schedule.vridhamma.org/courses/latthika
១. ផ្នែកកុមារី និង សិស្សបម្រើស្រី៖ ០១១ ៣១១ ៣៨៣
២. ផ្នែកកុមារា និង សិស្សបម្រើប្រុស៖ ០១៦ ៤២៣ ៤៩៦
Course types
វគ្គសិក្សាទាំងអស់ត្រូវបានដំណើរការឡើងដោយផ្អែកលើការបរិច្ចាគទាន។ ចំណាយទាំងអស់ត្រូវបានបំពេញដោយការបរិច្ចាគទានពីអ្នកដែលបានបញ្ចប់វគ្គសិក្សា និង បានទទួលប្រយោជន៍ពីវិបស្សនា ហើយមានបំណងចង់ឲ្យអ្នកដទៃទទួលប្រយោជន៍ដូចពួកគេដែរ។ ទាំងគ្រូ និង គ្រូជំនួយមិនបានទទួលលាភការអ្វីឡើយ; ពួកគេ និង អ្នកដែលបម្រើក្នុងវគ្គសិក្សាគឺស្ម័គ្រចិត្តចំណាយពេលរបស់ពួកគេ។ ដូច្នេះវិបស្សនាគឺផ្តល់ជូនដោយឥតគិតថ្លៃ ពោលគឺគ្មានការធ្វើជំនួញអ្វីទាំងអស់។
សិស្សចាស់ គឺជាអ្នកដែលបានបញ្ចប់វគ្គសិក្សាវិបស្សនាកម្មដ្ឋាន 10 ថ្ងៃ ជាមួយលោក ស.ន. ហ្គោឥនកា ឬ គ្រូជំនួយរបស់លោក។ សិស្សចាស់មានឱកាសដើម្បីផ្តល់ការបម្រើធម៌នៅក្នុងវគ្គសិក្សាដែលបានរាយខាងលើ។